KARIBU USHIRIKI KUCHANGIA KWA AJILI YA SHULE YA SEKONDARI KIBAHA

Shule ya Sekondari Kibaha ni moja ya Shule Kongwe nchini Tanzania. ilianzishwa rasmi mwaka  1965 na mpaka sasa imeendelea kushika katika nafasi yake ya kuwa shule ya vijana wenye vipaji maalum.

Shule hii imeweza kutoa wataalaam ambao wamebobea katika fani mbali Serikalini, katika Mashirika ya Umma, Vyuo vikuu, Taasisi za Kimataifa na Taasisi binafsi.

Mfano Mzuri ni Raisi Mstaafu wa awamu ya nne Mhe. Dkt. Jakaya Mrisho Kikwete ni matunda na hazina kubwa kwa Taifa ambayo chimbuko lake ni Shule ya Sekondari Kibaha.

Kwa sasa Shule ina zaidi ya miaka hamsini, hivyo ni dhahiri miundo mbinu yake inahitaji ukarabati mkubwa ili irejee kuwa na sura  ya awali.

Ukiwa ni Mwanafunzi uliyesoma katika Shule hii, mdau katika Elimu, Mfanyabiashara, Mzazi na wote wenye mapenzi mema ya kuendeleza Elimu kwa vijana mnakaribishwa kuchangia katika mfuko maalum wa ukarabati wa shule hii.

Kwa mawasiliano zaidi wasiliana na Mkuu wa Wilaya ya Kibaha Mhe. Asumpter Mshama ambaye ndiye Mhamasishaji ukarabati wa Shule ya Sekondari Kibaha  na Bw. Robert Shilingi Kaimu  Mkurugenzi Mkuu wa Shirika la Elimu Kibaha